Medverknad frå barn og unge
Barn og unge er Barneombodet sine ekspertar, og deira erfaringar er ei viktig kjelde til informasjon for oss i arbeidet vårt.
Vi arrangerer jamleg ekspertmøter om aktuelle tema, der vi hentar inn erfaringane til barn og unge. Dette gjer vi anten i samtale med den enkelte, eller i gruppesamtalar.
I tillegg møter vi for eksempel barne- og ungdomsråd og besøker skular og andre institusjonar for å få innspel frå barn og unge sjølv.
Vi tar også barn og unge med på råd når vi tilset medarbeidar hos Barneombodet, og i arbeidet med planar og strategiar.
I medverknadsarbeidet bruker vi metodar frå vår eiga medverknadshandbok. Denne handboka kan alle bruke, og du finn den i lenkefeltet under.
Ei anna rolle Barneombodet har i barn og unge sin medverknad er å bidra til at dei blir høyrt av andre offentlege instansar, og å syte for at vi har eit regelverk som varetar dette.
![Barneombudet: mor og datter på sofaen](https://barneombudet.imgix.net/barneombudet-familie-datter-mor.jpg?auto=compress%2Cformat&crop=focalpoint&fit=crop&fp-x=0.5&fp-y=0.5&h=372&q=90&w=500&s=e3950f76ef7d561a677067ce060cf80a)
![Barneombudet: gutt med skateboard](https://barneombudet.imgix.net/hf_barneombudet_20_nr.02.jpg?auto=compress%2Cformat&crop=focalpoint&fit=crop&fp-x=0.5&fp-y=0.5&h=372&q=90&w=500&s=e84f1f7c55d6ad86d71d301a96e82df0)